Baş konsulun müraciəti

Əziz oxucu,

Sizi Türkiyə Respublikasının Qars şəhərində Azərbaycan Respublikasının Baş Konsulluğunun internet səhifəsində salamlayıram. 

Baş Konsulluğun internet səhifəsinin əsas məqsədi Azərbaycanın tarixi, mədəniyyəti, siyasəti, iqtisadiyyatı, sərmayə imkanları, turizmi və digər sahələri, eləcə də Azərbaycan-Türkiyə münasibətləri barədə məlumat verməkdən ibarətdir. Sizin fikir və təklifləriniz də bizim üçün dəyərlidir.  

Baş Konsulluğun fəaliyyət dairəsi Türkiyənin 28 vilayətini – Qars, Ardahan, Ağrı, Artvin, Adıyaman, Batman, Bayburt, Bingöl, Bitlis, Diyabakır, Elazığ, Erzurum, Erzincan, Hakkari, Giresun, Gümüşhane, İğdır, Malatya, Mardin, Muş, Ordu, Rize, Siirt, Şanlıurfa, Şırnak, Trabzon, Tunceli və Vanı əhatə edir. Vətəndaşlarımızın hüquq və maraqlarının qorunması, onların problemlərinin həllinə dəstək olmaq Baş Konsulluğun əsas vəzifələrindən biridir.

Sizi iki qardaş ölkə arasında həyata keçirilən tədbirlər, səfərlər və yeniliklər barədə məlumatları Baş Konsulluğun rəsmi internet səhifəsi ilə yanaşı, sosial media hesablarından da izləməyə dəvət edirik.

İnternet səhifəmizi ziyarət etdiyiniz üçün təşəkkür edirik.

Hörmətlə,

Zamin Əliyev

Türkiyə Respublikasının Qars şəhərində Azərbaycan Respublikasının baş konsulu